Познати двојките за разогрувањето во ракометната Лига на шампиони
Со одигрувањето на натпреварите од последното коло во групната фаза, комплетиран е списокот на екипи кои ќе играат во нокаут рундата во ракометната Лига на шампиони во двете конкуренции.
Ракометарите на Вардар, кои го освоија првото место во својата група директно обезбедија пласман во четврфиналната рунда. Македонскиот шампион за место на завршниот „фајнал-фор“ турнир ќе игра со подобриот од осминафиналниот двомеч меѓу белорускиот првак Мешков Брест и германската екипа Фленсбург.
Директен пласман во четвртфиналето обезбеди и Барселона за која настапуваат Кирил Лазаров и Борко Ристовски. Шпанскиот шампион ќе игра против победникот од германската пресметка меѓу Кил и Рајн-Некар Ловен.
Во останатите осминафинални натпревари ќе играат: Нант - Париз Сен Жермен, Силкеборг – ПИК Сегед, Монпелје - Киелце и ППД Загреб – Веспрем.
Првите натпревари од нокаут фазата ќе се играат од 22 до 26 март, а реваншите се седум дена подоцна.
Во женска конкуренција македонските шампионки - ракометарките на ЖРК Вардар за место на „фајнал-фор“ турнирот во Будимпешта ќе се борат со данската екипа Митјиланд. Црвено-црните првиот меч од четвртфиналето ќе го играат на гостински терен во периодот од 7 до 9 април, додека реванш средбата во Скопје ќе се игра во приодот од 14 до 16 април.
Ново на Сител
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време