Еден загинат во тешка сообраќајка во скопско

Во текот на вчерашниот ден на подрачјето на СВР Скопје се случиле осум сообраќајни незгоди, од кои во една загинало едно лице, во друга се повредени двајца сопатници од кои едниот потешко, во две незгоди три лица се здобиле со полесни повреди, а  четири незгоди поминале само со материјална штета.

Сообраќајката  во која има загинато лице, а друго се здобило со полесни повреди се случила во 11:30 часот на локалниот пат за село Долно Блаце.  

Вчера од страна на сообраќајната полиција, санкционирани се 16 возачи кои не го почитувале ограничувањето на брзината на движење, двајца возачи се исклучени од сообраќај поради управување на возилото под дејство на алкохол, шест возачи не отстапиле првенство на минување на возилата во зона на крстосница, 18 возачи го управувале возилото по истекот на важноста на сообраќајната дозвола или без возачка дозвола, како и седум возачи кои за време на управување на возилото не го користеле сигурносниот појас или го користеле мобилниот телефон.

Со специјалното возило „пајак“ отстранети се 53 возила.