Лидерот на талибанците упати апел: Садете дрва

Талибанците во Авганистан упатија редок јавен проглас во име на својот лидер Хајбатулах Акунџада, со кој Авганистаците се повикуваат да садат повеќе дрва заради „користа во овој и на оној свет“. 

Специјалната порака е упатена во име на Акунџада, верски лидер, за кој се верува дека се крие од мај минатата година кога стана лидер на талибанците, откако неговиот претходник беше убиен во американски напад со дрон во Пакистан.

Акунџада, кој минал 15 години држејќи проповеди во џамии во Пакистан, во пораката, со која повикува зголемување на садењето дрва во земјата, интепретираше стихови од Куранот. 

- Садењето дрва и земјоделството се сметаат за дела, кои носат добробит на овој свет и големи награди на другиот свет, наведе Акунџада.