Кипарско турската страна нема да учествува на утрешните преговори за островот

Кипарско турската страна нема да учествува на утрешната средба на лидерите на Кипар, кои во последните месеци водат преговори за повторно обединување на островот, објавија турските медиуми.

Средбите меѓу претседателот на Кипар, Никос Анастасиадис и лидерот на кипарските Турци, Мустафа Акинџи беа прекинати минатата недела, откако кипарскиот Парламент ги разлути кипарските Турци, усвојувајќи закон за задолжително одбележување во училиштата на годишнината од референдумот одржан во јануари 1950 година. На тој референдум кипарските Грци масовно гласаа за обединување со Грција.

Островот Кипар прогласи независност од Велика Британија во 1960 година, но етничките конфликти меѓу двете заедници продолжија.