Трамп и Ердоган телефонски разговараа за борбата против тероризмот
Американскиот претседател Доналд Трамп и шефот на турската држава Реџеп Таип Ердоган во првиот телефонски разговор разговараа за заедничкиот ангажман во борбата против тероризмот во сите негови форми, соопшти Белата куќа.
Трамп нагласил дека САД ја поддржуваат Турција како стратешки партнер и сојузник на НАТО. Претседателот на САД ја поздравил улогата на Турција во борбата против Исламска држава.
Претходно и канцеларијата на Ердоган соопшти за телефонскиот разговор меѓу двајцата лидери, но не посочи детали за неговата содржина.
Весникот „Дејли сабах“ нагласи дека разговорот траел 45 минути и минал во позитивна атмосфера.
За време на владеењето на Барак Обама односите меѓу Турција и САД беа затегнати, а Анкара изрази разочарување од одбивањето на САД да го екстрадира муслиманскиот проповедник Фетулах Ѓулен, кој живее во САД, а кого турските власти го обвинуваат дека стои зад обидот за пуч на 15 јули минатата година.
Освен тоа Турција беше гневна и од фактот дека САД ги поддржуваат сириските курдски милиции, кои се борат против ИД.
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава