Меѓународна конференција за климатски промени во Скопје
Стимулирње трансфер на знаење и соработка за критички прашања поврзани со климатските промени е целта на „Третата меѓународна конференција за климатски промени“ која денеска ќе биде отворена на ФОН Универзитетот во Скопје во организација на проектот на УСАИД за општински стратегии за климатски промени, спроведуван од Милиеуконтакт Македонија.
На конференцијата предвидено е да се обратат директорот на Мисијата на УСАИД во Македонија Џејмс Стајн, ректорот на ФОН Универзитетот Нано Ружин, како и националниот координатор за климатски промени при Министерството за животна средина и просторно планирање, Теодора Обрадовиќ Грнчаровска.
На форумот, кој има за цел да охрабри интегриран пристап и да ги усогласи напорите на заинтересираните страни за справување со климатските промени, ќе присуствуваат повеќе од 100 претставници на граѓански организации од Македонија и странство, претставници од УСАИД, УНДП, Глобален еколошки фонд, Регионален центар за животна средина за Централна и Источна Европа, Културна мрежа Рамсар, како и други претставници од дипломатските мисии во Македонија.
УСАИД на конференцијата ќе ги одбележи постигнувањата и успешното завршување на својот четиригодишен Проект за општински стратегии за климатски промени, кој подготви десет македонски општини подобро да се справуваат со локалните предизвици предизвикани од климатските промени.
Ново на Сител
-
Закани кон претседателката на Уставен суд Добрила Кацарска, пријавено во МВР
-
Совет на Европа: Македонските затвори се почисти, но во нив и натаму има корупција и лош третаман
-
СПМ: Не сме изненадени од изјавите на одредени домашни лица и нивното упорно користење на „северна“
-
Тешка сообраќајка на патот Кичево-Охрид, повредени три лица
-
Пронајдена неиспукана артилериска граната покрај железничката пруга во атар на село Виничани
-
Герасимовски: Пријавувајте проблеми со јавна чистота, досега пријавени 159 проблеми
-
Викендов променливо и нестабилно време, со локален пороен дожд и појава на невреме
-
Претрес во Битола, пронајдена дрога