Мукаетов: Ракометарите изгинаа на терен

Претседателот на Ракометната федерација на Македонија, Живко Мукаетов упати честитки за ракометарите кои вечерва освоија бод со Исланд и го освоија третото место во групата Б на Светското првенство во Франција.

 

- Честитки за ракометарите. Тие изгинаа на терен за да ја остварат целта. Репрезентативците покажаа како се бранат боите на Македонија. Следен противник ни е Норвешка на осминафиналниот дуел во Албервил. Со вакво залагање и ваков мотив се е можно, истакна првиот човек на РФМ.

 

Македонија вечерва одигра 27:27 со Исланд и со две победи, два пораза и еден нерешен резултат се пласира во осминафиналето, каде како трета од Б група ќе вкрсти со Норвешка која е втора во А групата.