Путин ја обвини администрацијата на Обама за поткопување на легитимноста на Трамп

Рускиот претседател Владимир Путин ја обвини администрацијата на Барак Обама дека се обидува да ја поткопа легитимноста на новоизбраниот американски претседател Доналд Трамп. 

- Што има сега во САД? Се гледа внатрешно-политичка борба што трае, независно од тоа дека изборите за претседател завршија со победа на Трамп, изјави Путин на прес конференција со молдавскиот претседател Игор Додон во Москва.

– Во таа борба поставени се неколку задачи и првата е да се поткопа легитимноста на новоизбраниот американски претседател, нагласи тој.

Путин отфрли информации од американски медиуми дека руските тајни служби го шпионирале Трамп и нашле докази за да го уценуваат. 

- Тие што распространија лажни тврдења за Трамп се полоши од проститутки, изјави Путин.