-->
-->
Слатка одмазда на отварањето на СП: Македонија Тунис 34:30
-->
Македонија со голема победа стартуваше на Светското ракометно првенство откако го совлада Тунис со 34-30. Ова беше слатка одмазда против стариот должник, кој ни го сруши олимпискиот сон минатата година во квалификациите. Македонија губеше и со четири голови разлика, но во последните 15 минути нашите ракометари одиграа фантастично и со серија од 7-1 го свртеа натпреварот во своја корист.
Првото полувреме беше тешко и неизвесно. Двете репрезентации немаа повеќе од два гола разлика, а Македонија водеше со 2-0, 9-7 и 10-8, но Тунис во финишот успеа да дојде до водство и на полувремето да го заврши со водство од 13-14. Овие први 30 минути го одбележаа и неколкуте судиски грешки на корејската двојка, кои на Македонија и одземаа три чисти топки. Доколку беше подобра реализацијата од крилната позиција, можевме многу лесно да водиме по првото полувреме, но противничкиот голман Макрем Мисауи имаше свој ден, бидејќи забележа 10 интервенции само во првиот дел.
Лошо тргнавме во вториот дел па губевме и со до тој момент највисоки 20-24. Следуваше серија од 3-0 на нашите по неколкуте исклучувања на Тунижаните, а во 46-тата минута дојдовме и од израмнувањео од 25-25. Се играше гол за гол, а Македонија по подолго време се врати во водство во 52-та минута, кога Дејан Манасков во контра реализираше за 29-28.
Благодарение на неколкуте одлични одбрани на Благојче Трајковски на голот до водство од 32-28 на точно четири минути до крајот. Македонија беше во серија од 7-1 во финишот и водеше со 34-29 на само 90 секунди до последниот свиреж на судиите. До крајот противникот само успеа да го ублажи поразот за 34-30.
Кире Лазаров беше вистински лидер на тимот како и секогаш со 12 голови од 16 шута. Манасков и Стоилов постигнаа по седум погодоци. Задутре Македонија во второто коло игра против Ангола и со триумф против оваа репрезентација веќе ќе го обезбедиме местото во следната фаза.
-->
-->
-->
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување