Нуркачите први ја честитаа Новата година: Подводна елка атракција на дното на Охридското езеро
Охридските нуркачи и годинава кај Заливот на коските во ледената вода на Охридското езеро, ја продолжија 15 години долгата традиција и накитија новогодишна елка и први си честитаа Нова година.
Новогодишната елка која се гледа и од површината на водата, е поставена на длабочина од околу 4 метри. Во нејзиното китење учествуваа членовите на нуркачкиот клуб „Амфора“ и клубот за подводни активности „Охрид“ во соработка со Сојузот за подводни активности на Македонија.
Китењето на подводната елка охридските нуркачи и оваа година им го посветија на децата со ретки болести.
Ним им помагаа и најмладите членови на овие нуркачки клубови, а за награда од Дедо Мраз добија подароци и пакетчиња.
-Упативме апел за помош и под вода извадивме знаме со поддршка за децата со ретки болести. Ние од клубот за подводни активности „Охрид“ и нуркачкиот клуб „Анфора“ први под вода со шампањско во рака си ја честитавме Новата 2017 година. На сите граѓани им посакуваме многу здраве, успех и подобар живот, рече д-р Горан Балески од клубот за подводни активности „Охрид“.
Новогодишната елка во Охридското езеро стана своевидна туристичка атракција, така што речиси да нема жители и посетители кои престојуваат во древниот град, а не го виделе ова чудо под вода.
Популарно од Македонија
Ново на Сител
-
Минусни температури утрово на Попова Шапка, во Маврови Анови и Крушево
-
Трамп: Многу „гадови“ во САД го сакаа Епстин, а сега лажно тврдат дека не го познаваат
-
Без вода корисниците од улицата „Ванчо Мицков“ во Карпош
-
Петрова и Клековски ќе ги презентираат резултатите од контролите кај приватни гинеколошки ординации со договор со ФЗО
-
Мицкоски и Тошковски на промоција на нови возила на македонската полиција
-
Папа Лав Шеснаесетти: Доста беше војна во Украина, сега Москва и Киев нека разговараат
-
Русија: Ракетата „Сојуз“ лансираше сателит во орбитата
-
Променливо облачно, дожд и снег во југозападните делови од државата
