Честитка од Груевски по повод еврејскиот празник Ханука
Лидерот на ВМРО-ДПМНЕ Никола Груевски, во името на партијата и во свое лично име, денеска упати честитка до претседателот на Еврејската заедница во Република Македонија, Берта Романо-Николиќ и до сите припадници на оваа заедница, по повод еврејскиот празник Ханука.
- Во овие празнични денови кога во кругот на семејството и најблиските, со силна верба во чудото на Ханука го славите овој големиот празник, Ви упатувам срдечни честитки за весели и среќни празнични денови и искрени желби за добро здравје, среќа и благосостојба во секое семејство, истакнува Груевски.
Ханука, како што наведува во честитката, е празник на светлината и симбол на опстојбата.
- Ханука е верба и истрајност, празнување на слободата и победата, славење на животот и традицијата. Славејќи ја светлината на Ханука и триумфот на слободата, во ова осумдневно празнување, секое еврејско семејство ја празнува многувековната традиција на одбележување на овој празник, која со силна верба се пренесува со векови на секоја нова еврејска генерација. Токму затоа, Ханука има посебно место во историјата и традицијата на секое еврејско семејство, во кое од денес во наредните осум дена силно ќе свети светлината од ханукијата, како вечна светлина во секој Ваш дом, истакнува Груевски во честитката.
Ново на Сител
-
Меџити ја презеде функцијата министер за животна средина и просторно планирање
-
Во пожарот во фабриката за литиумски батерии во Јужна Кореја животот го загубија 22 лица
-
Нова промена на цените на горивата од полноќ
-
Таравари денеска ќе потпише решенија за разрешување на економски директори во Клиничкиот центар
-
Зоран Љутков ја презеде функцијата министер за култура, најавува макотрпна работа и инвестиции
-
Претседателот на Уставниот суд во МВР пријави закани по животот и безбедноста врз уставни судии
-
Од 1 јули Грција воведува 6-дневна работна недела!
-
Јаневска ја презеде функцијата министер за образование и наука, најавува промени креирани врз база на темелна анализа