Анкета: Грците сметаат дека Мицотакис е посоодветен за премиер од Ципрас
Грците сметаат дека лидерот на грчката опозициска Нова демократија Кирјакос Мицотакис е посоодветен за премиерската функција од Алексис Ципрас, покажа најново истражување, според кое разликата меѓу Мицотакис и Ципрас е 13 поени.
Според анкетата на агенцијата „Пулс“, ако сега има избори во Грција, Нова демократија ќе победи со разлика од 11 поени, односно за оваа партија би гласале 31,5 отсто од анкетираните наспроти 20,5 отсто за Сириза.
Неофашистичката „Златна зора“ се уште е на трето место со 7,5 отсто, Демократскиот блок има шест проценти, Комунистичката партија 5,5, Курс кон слобода три, Сојузот на центристите 2,5 отсто, Потами два проценти, Независни Грци два, и по еден процент од гласовите имаат Андарсија и Национално единство.
Вкупно 38 отсто од Грците сметаат дека предвремени избори сега би биле најдобар чекор за земјата, додека 22 проценти сакаат сегашната коалиција на Сириза и Независни Грци да остане на власт.
Грците се поделени и во однос на потребата од создавање на нови партии. Вкупно 43 проценти се за тоа да има нови партии, додека 45 отсто се против.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера