Зајакнати мерките за безбедност во Лос Анџелес поради закана од експлозија

Полицијата во Лос Анџелес ги зајакна мерките за безбедност во метрото и надземната железница, откако доби информација за закана од експлозија во метростаница во близина на забавниот парк „Јуниверсал“.

Началникот на полицијата во Лос Анџелес Чарли Бек изјави на прес-конференција дека информацијата за закана е дадена на ФБИ телефонски од странска служба за безбедност. Тој додаде дека заканата е многу конкретна, но треба да биде проверена.

- Властите имаат информација, која не натера да ги зајакнеме мерките за безбедност во паркот „Јуниверсал“ и на сите станици на метрото, изјави шефот на Одделот за борба против тероризмот Скот Едсон.

Тој додаде дека полицијата редовно добива закани и оти е тешко да се провери нивната веродостојност, но додаде дека патниците во метрото треба да информираат за секоја сомнителна активност. 

Градоначалникот на Лос Анџелес Ерик Гарсети изјави дека ќе се качи на метрото на станицата „Јуниверсал“ денеска изутринава за да покаже дека има доверба во мерките за безбедност.