Бизнис
5. December 2016 - 20:22

Сонуваме.Менуваме: Проект посветен на децата со посебни потреби од Стопанска Банка

Стопанска банка АД- Скопје го реализираше вчера новиот општествено одговорен проект под називот „Сонуваме.Менуваме“ посветен на децата од Македонија со посебни потреби и  во знак на  одбележувањето на Меѓународниот ден на лицата со хендикеп, и посебни потреби.

Проектот  е реализиран со деца од различни возрасти и со различни попречености, кои  заедно со Калиопи и 5+ Фамилија настапија на сцената на МОБ за да ги претстават своите способности и креативен потенцијал.  Банката за 250 деца од Македонија  организираше транспорт и оброци за да можат да го  проследат настанот, а за сите деца посетители на настанот обезбеди пакет подароци.

Стопанска банка во рамки на проектот  изработи едукативни видео пораки кои ќе бидат споделени со училиштата ширум Републиката и ќе имаат за цел да ги поттикнат децата да развиваат емпатија и да им подадат рака на своите врсници. 

Раководството на Банката  потенцира дека ,,СОНУВАМЕ.МЕНУВАМЕ.,, има за цел да ги нагласи предностите од различностите ,кои постојат во нашиот свет и на младите да им ги отвори видиците кон нив, но и начинот како да ги прифатат и заедно да создадат еднакви можности за сите.

На  настанот беа соопштени и асоцијациите и проектите кои добија финансиска поддршка во вкупна вредност  од 15,070.00 евра.