Почнува истрагата за уривањето на авионот во Колумбија
Бразилските и колумбиските власти денеска започнуваат истрага за уривањето на боливискиот авион во централниот дел на Колумбија, а пронајдените „црни кутии“ би можеле да дадат одговор дали несреќата се случила поради технички проблеми или леталото останало без гориво.
Истражувачи од Бразил ќе им се придружат на колумбиските колеги, со кои ќе ја испитаат содржината од „црните кутии“, а во тоа ќе им помогнат и британски експерти.
Си-Ен-Ен констатира дека фактот што на остатоците нема траги од оган, упатува на тоа дека моторите на авионот останале без довод на гориво, поради што престанале да работат, но не може да се исклучи и можноста за грешка на екипажот.
При падот на авионот, со кој патуваљ и фудбалери на бразилскиот клуб „Шапекоенсе“, загинаа 71 лице, а шестмина преживеаја, меѓу кои тројца фудбалери, еден новинар и двајца членови на екипажот. На голманот Џексон Фолман му е ампутирана десната нога.
Илјадници навивачи облечени во зелено и бело се собраа синоќа на стадионот на „Шапекоенсе“ во јужниот дел на Бразил. Тие ја пееја химната на клубот и ги извикуваа поединечно имињата на играчите кои загинаа во авионската несреќа.
Колумбиски официјални претставници синоќа соопштија дека 71 лице загинале при уривањето на авионот, со што бројот на жртвите е намален, бидејќи четири лица воопшто не влегле во леталото.
Ново на Сител
-
САД ќе продолжат да се ангажираат за прашања од заеднички интерес
-
Може ли за неколку месеци да се стане АИ експерт? | Growth Labs Academy | Sitel Podcast 050
-
Полицијата презема мерки за пронаоѓање шест лица - работници од Непал
-
Избувна пожар во светиниколско: Изгоре штала, две грла добиток, млин, сточна храна
-
Во Струмица oбид за киднапирање на тригодишно дете, полицијата испитува дали се работи за кривично дело
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи
-
Путин очекува Орбан да зборува од името на Европа за Украина
-
НАТО на самитот во Вашингтон ќе бара стандардизација на артилериската муниција