БИБЛ: Карпош Соколи поразен на гостувањето во Никшиќ

Кошаркарите на Карпош Соколи го претрпеа четвртиот пораз во БИБЛ лигата откако синоќа загубија на гостувањето кај Сутјеска со 85:81. Резултат по четвртини: 23:19; 27:19; 12:25 и 23:18.

 

По овој триумф тимот на Сутјеска го презеде првото место во Б групата. Во првото полувреме домашниот тим имаше водство од 50:38, но екипата на Карпош Соколи со одличната трета четвртина која ја добија со 25:12 по 30 минути водеа со 63:62. Незвесноста траеше до последнта минута кога резултатот беше изедначен 79:79, но во самиот финиш Сутјеска беше подобра со 6-2 и го доби натпреварот.

 

Најефикасен на дуелот беше Горан Гајовиќ со 21 поен, а кај Карпош Соколи најпрецизен беше Драган Лабовиќ со 18 поени.

 

Табела Б група: Сутјеска 9 бодови, Фени Индустри 8, Трепча 6, Карпош Соколи 6, Тирана 5, Пеќ 2.