Италија ќе бара седум милијарди евра помош за обнова по земјотресите

Италија ќе побара помош од фондот Солидарност на Европската унија за да се справи со последиците од земјотресите од оваа година во висина од седум милијарди евра, соопшти италијанската Цивилна заштита.

Во земјотресот од 24 август загинаа речиси 300 луѓе.

На 30 октомври имаше нов земјотрес со интензитет од 6,5 степени во кој немаше жртви, но беше регистрирана голема материјална штета. Во барањето за помош не се вклучени штетите од земјотресот во октомври.