Врие од полиција кај охридскиот затвор, охриѓани вознемирени

Од вчера попладнето во близина на охридскиот затвор и полициската станица е распоредено засилено полициско обезбедување. На улиците во тој дел од градот не е дозволено паркирање и задржување на возила, а објектите ги обезбедуваат полициски службеници под полна оперативна опрема.

Во врска со случајот од СВР Охрид упатуваат на какви било информации во Министерството за правда, со појаснување дека затворот во Охрид потпаѓа во надлежност на оваа институција, односно дека станува збор за активности во нивна ингеренција.

Иако официјално непотврдено станува збор за префрлање на дел од обвинетите во предметот за кој се води судска постапка во врска со случајот во кумановската „Дива населба“.

Засиленото присуство на полициско обезбедување предизвика вознемиреност кај граѓаните на Охрид.