Концерт на „КонТемпора“ во Тирана

Ансамблот за совремана музика при Сојузот на композитори на Македонија (СОКОМ) „КонТемпора“ со својот концертен настап го отвори Балканскиот фестивал на современа музика во Тирана, Албанија.

 

Фестивалот кој ќе се случува до 4 ноември е во организација на Сојузот на композитори на Албанија. 

 

Како што соопшти СОКОМ, македонските музички уметници Катерина Бачевска на флејта,  Игор Иванов на кларинет и Марија Вршкова на пијано изведоа дела од македонските композитори Коларовска, Андовска, Димушевски, Лумани, Симоновска, како и дела од албански композитори.

 

Овој концерт, како што наведуваат, се реализира во рамките на традиционално добрата соработка помеѓу  Сојузот на композитори на Македонија и  Сојузот на композитори на Албанија.