Зелен пазар во новиот центар на Кавадарци

Се реализира проектот за зелен пазар во новиот центар на Кавадарци, позади зградите наречени „лепотици”.

Како што информира синоќа на средба со граѓаните кавадаречкиот градоначалник Александар Панов, привршува регулирањето на канализациската линија, хортикултурното и партерното уредување на просторот.

- Пазарчето ќе биде монтажно, покриено и од затворен тип, со осветлување. Тендерска постапка е завршена, а работите ќе финишираат за околу еден месец, соопшти градоначалникот и најави дека ќе следува оградување и осветлување на спортското игралиште во близина на пазарот.