ПФЛ: Победа водеше, Вардар победи

Со многу среќа, пресврт и гол во 94-минута фудбалерите на Вардар ја совладаа Победа со 2-1 во последниот натпревар на 12. коло во Првата македонска лига.

 

На средбата одиграна на арената „Филип Втори“ во Скопје, гостите од Прилеп први дојдоа во водство од 1-0 со голвт на Благоја Гешоски во 24-минута, што беше и актуелен резултат на полувремето, и покрај неколкуте шанси кои ги имаа вардаровите фудбалери. 

 

Во вториот дел. Прлилепчани му ја препуштија играта на домаќинот, па како резултат на константниот притисок во 88-минута дојде израмнувањето со погодокот на Јасир Асани. 

 

Тоа им даде дополнителен мотив на врвено-црните, па во четвртата минута од судиското дополнеие (90+4) Дамир Којашевиќ со прекрасен гол од повеќе од 25-местри го постигна вториот гол за Вардар за победа и нови три бодови. 

 

На останатите натпревари од 12.коло беа постигнати овие резултати: Силекс – Брегалница 1-0, Пелистер – Македонија ЃП 1-0, Ренова – Работнички 1-1 и Шкупи – Шкендија 0-0. 

 

Табела: Вардар 28 бодови, Шкендија 20, Работнички 19, Пелистер 16, Ренова 15, Шкупи 13, Силекс 11, Победа 9,  Македонија ЃП 9 и Брегалница 8.