-->
-->
ФИФА: Противкандидат го оспорува кредибилитетот на Платини
-->

Потенцијалниот противкандидат за функцијата претседател на ФИФА Дејвид Накхид се сомнева во кредибилитетот на ривалот во претседателската трка, актуелниот прв човек на УЕФА, Мишел Платини.
„Платини самиот се позиционираше како реформатор, но како е тоа можно? Како некој може да тврди дека е слободен и дека имам ‘чист’ образ кога е дел од кругот поради кој фудбалот падна на толку ниско ниво“, рекол Накхид во интервјуто за агенцијата АП.
Името на Платини не се поврзува со неодамнешните скандали во ФИФА, но тој 13 години беше член на Извршниот одбор на ФИФА. Платини неодамна го прекина пријателството со претседателот на ФИФА во заминување, Сеп Блатер, иако тој во 1998 година му помогна да дојде на претседателската функција.
Начинот на кој се однесува Платини го критикуваше и Чунг Монг-Јон, кој на почетокот на овој месец ја покрена кампањата за претседател на ФИФА.
„Во последно време стана модерно да се биде непријател на Блатер“, рекол Јон.
За разлика од Јужнокореецот кој едно време беше потпретседател на ФИФА, Накхид кој е од Тринидад и Тобаго никогаш немал никаква функција во светската фудбалска организација.
Доколку некој сака да стане претседателски кандидат мора да биде поддржан од најмалку пет национални сојузи, а Накхид тврди дека ја има поддршката на целата Карписка унија која има 25 членки.
-->
-->
-->
Ново на Сител
-

Трамп ја опиша атмосферата од средбата со Шји и Путин како одлична
-

Пуштени во продажба влезниците за натпреварот на македонските кошаркари против Кипар во Скопје
-

Сараевски медиуми: Поднесено е обвинение против премиерот, министерот за полиција на ФБиХ и други поради примање мито
-

Мицотакис: Грција ги доби сите средства што ѝ следуваа од европскиот Фонд за закрепнување, вкупно 35,95 милијарди евра
-

Генералниот секретар на НАТО утре ќе ја посети Полска, на местото каде што денеска паднаа две руски ракети и дрон
-

Влада: Заштитата на жртвите е приоритет, насилството не смее да биде предмет на партиски препукувања
-

Од понеделник продолжуваат дијагностичките испитувања за бруцелоза кај говедата
-

УЕФА ја казни англиската репрезентација поради расизам
