Лавров: САД нема да прифатат воено сценарио во Сирија

Москва е убедена дека американскиот претседател барак Обама и државниот секретар Џон Кери нема да прифатат воено сценарио во Сирија, изјави денеска рускиот министер за надворешни работи Сергеј Лавров.

- Уверен сум дека американскиот државен секретар Џон Кери, со кого разговаравме за оваа ситуација, нема да го толерира воениот пристап, изјави Лавров во интервју за рускиот Канал Еден, пренесува Танјуг.

Тој дополни дека и претседателот Барак Обама, кој во повеќе наврати му го кажал тоа на рускиот претседател Владимир Путин, цврсто стои зад пристапот за политичко решавање на кризата во Сирија.

- Москва се надева дека американската поддршка при воздушните напади во Сирија ќе се смири, рече Лавров.