Трамп се извини за навредливи изјави за жените
Републиканскиот кандидат за претседател на САД Доналд Трамп преку видео денеска се извини за навредливи искази за жените, направени пред неколку години.
Весникот „Вашингтон пост" објави вчера видео-запис, направен во 2005 година, во кој, при приватен разговор, Трамп прави голем број вулгарни и сексистички забелешки за жените.
- Ги реков овие зборови, не бев во право и се извинувам, вели Трамп во денешната изјава.
Сите кои ме познаваат, знаат дека овие зборови не ја одразуваат мојата природа, рече Трамп, ветувајќи дека во иднина ќе биде „подобар човек".
Сепак го искористи случајот, за да го нападне противникот во трката за Белата куќа, истакнувајќи дека поранешниот претседател Бил Клинтон „всушност ги злоупотребуваат жените", а неговата сопруга Хилари ги „малтретирање, нападнала, посрамила и заплашувала неговите жртви".
Во видео записот од 2005 година, Трамп разговара со познатиот телевизиски презентер Били Буш крај сетот на серијал во кој милијардерот има епизодна улога. Со непристојни изјави, Трамп опишува како бакнувал, допирал и се обидувал да добие секс од мажена жена, чие име не се споменува.
Ново на Сител
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава
-
Мајката на починатата студентка од Кавадарци во Штип лани измасакрирала и запалила човек