Починал на денот кога требале да се венчаат

Вљубената двојка Џенифер Картер и Соломон Чау од Канада се вериле во април 2014 и закажале свадба во август годинава. Но, на почетокот на оваа година дознале дека тој боледува од рак на црниот дроб.

Веднаш ја презакажале венчавката за април годинава - Соломон починал токму на денот кога првично планирале да направат свадба, на 10 август.

Еден месец пред венчавката , во март, Соломон направил операција но болеста се проширила. лекарите предвиделе дека нема да го дочека летото. Затоа двајцата млади побрзале и се венчале на 11 април. Соломон храбро се борел со болеста, а лекарите го нарекувале супер - човек. Во брак со Џенифер бил 128 дена.

- Ме научи последните месеци дека не смеам да дозволам да пропадне ниту еден ден. Ми покажа што е вистинска љубов и на 26 години за љубовта научив повеќе од колку што некои ќе научат за цел живот. Требаше да поминеме 60 години заедно, но благодарна сум и на овие неверојатни 8 години кои Господ ни ги даде. Ти си се што сакав од сопруг и многу повеќе, и секогаш ќе те носам во срцето! 

Вака Џенифер се прости од сопругот кој прерано ја напушти...