Рим: Во конфискуваната стока на дилер на дрога пронајдени две слики на Ван Гог

Две слики на Ван Гог, со непроценлива вредност се откриени денеска меѓу останатите запленети добра на дилер на дрога од неаполската мафија Камора, соопшти италијанската полиција. 

Полицијата наведува дека сликите се украдени од познатиот меѓународен музеј во Амстердам.

Сликите се украдени во 2002 година. Иако при кражбата се извадени од рамките тие за изминатите 14 години не претрпеле видни оштетувања, објави полицијата непосредно по нивното враќање во музејот.

Сликите „Конгрегацијата ја напушта Реформираната црква во Нојен“ и „Поглед на море во Шевенинген“ се изработени на почетоците на творештвото на Ван Гог. 

Запленетата стока е во вредност од повеќе од десетици милиони евра, додава италијанската полиција.