Анализа: Брегзит е најголема закана за европската економија

Излегувањето на Велика Британија од ЕУ е најголемиот ризик за економијата на ЕУ, затоа што „Брегзитот“ ќе донесе неизвесност, се твди во анализа нарачана од германската влада, јавува дописникот на МИА од Берлин.

Според предвидувањата на економските институти: ИФО од Минхен, ДИВ од Берлин, ИВХ од Хале , РВИ од Есен и ИФВ од Кил, Германија и остатокот од ЕУ ќе претрпат голема штета доколку преговорите со Лондон се одоговлекуваат.

Со Брегзитот во ЕУ ќе се потенцираат проблематичните банкарски сектори во Италија и Португалија, како и конфликтот во источниот медитеран, се вели во анализата на престижните германски организации.

„Заминувањето на Лондон од ЕУ ќе предизвика долготрајна пасивност меѓу инвеститорите по што за половина може да се намали и стапката на раст во унијата. Референдумските резултати во Велика Британија ја зголемија негативната перцепција за глобализацијата што може да доведе до помал раст“, се вели во заклучоците на извештајот кој што е нарачан од страна на владата во Берлин.