Побарано поништување на парламентарните избори во Хрватска
Граѓанското здружение „Коректив“ и 18 хрватски политички партии денеска побараа поништување на неделните предвремени парламентарни избори во Хрватска и оставка на претседателот на Државната изборна комисија (ДИП), Бранко Хорватин.
Претставникот на „Коректив“, Дарко Петричиќ на прес-конференција во Загреб изјави дека ваквите барања на здружението и на партиите ќе бидат доставени до ДИП, до Етичкиот комитет и до меѓународните институции.
Петричиќ обвини дека на набљудувачите на „Коректив“ не им бил дозволен пристап во Изборната комисија, како и увид во Избирачкиот список и резултатите од изборите.
Тој истакна дека „Коректив“ и партиите бараат оставка од престедателот на ДИП поради манипулирање со медиумите и јавноста и пореди оневозможување на цивилен надзор на изборниот процес.
Според Петричиќ, Хорватин и Комисијата придонеле за одржување на нетранспарентни избори и оневозможеле мониторинг на набљудувачите на граѓанските здружение на изборниот процес и на обработката на гласачките материјали.
Петричиќ ја обвини и државната Хрватска радиоттелевизија (ХРТ) дека не обезбедила рамноправно претставување на учесниците на изборите, туку само ги фаворизирала поголемите политички партии и коалиции,
- ХРТ не беше етична и правична во рамноправното претставување на сите кандидати на парламентарните избори, изјави Петричиќ.
Ново на Сител
-
Вербални закани кон претседателката на Уставниот суд Добрила Кацарска, случајот пријавен во полиција
-
Едно лице почина, а друго се бори за живот по повреди добиени во лифт во угостителски објект во Штип
-
Стара експлозивна направа пронајдена во двор во делчевското село Вирче
-
Баер го победи Аугсбург и ја заврши сезоната во Бундеслигата без пораз
-
Маж од Валандово најден починат дома, ќе се прави обдукција
-
Кривична пријава против градоначалник поради противзаконито располагање со буџетски средства
-
Фоден играч на сезоната во Премиер лигата
-
Убиство и самоубиство во Бјеловар, Хрватска