Француската полиција откри сомнително возило со плински боци во Марсеј

Француската полиција откри автомобил со две плински боци во близина на синагога во Марсеј.

Сомнителното возило е забележано околу 11 часот во блзина на синагогата Бар Јохај, во време кога имало служба.

Во возилото се наоѓале две плински боци. Полицијата го затвори овој дел од градот, пренесува „Тајмс оф Израел“.

Инцидентот доаѓа само неколку дена откако во близина на катедралата Нотр Дам во Париз беше откриен паркиран автомобил со седум плински боци.