Бабиќ го напушти кормилото на Хрватска

Жељко Бабиќ повеќе не е селектор на хрватската ракометна репрезентација, откако во четвртокот поднесе оставка на функцијата. Бабиќ, кој со Хрватска беше трет на ЕП во Полска, на Олимписките игри во Рио де Жанеиро не успеа да стигне до медали.

 

Жељко Бабиќ нешто повеќе од една година се задржа на кормилото на хрватската репрезентација, а поради неуспехот на Олимписките игри, реши да поднесе оставка.

 

Во оставката Бабиќ напишал дека немал доволна поддршка и во јавноста и во националниот Сојуз и дека поради главната цел, а тоа е освојување на златен медал на Европското првенство кое во 2018 ќе се одржи токму во Хрватска, заминува од функцијата.

 

Покрај тоа хрватските медиуми пренесувајќи делови од писмото на Бабиќ го цитираат делот дека атмосферата во репрезентацијата била лоша.