САД и Индија потпишаа спогодба за логистичка соработка во одбраната

САД и Индија потпишаа спогодба за логистичка соработка во областа на одбраната, пренесува БТА.

Спогодбата на секоја од двете земји им овозможува да ги користи воените бази на другата земја за ремонт и полнење со гориво на својата борбена техника.

Спогодбата е чекор во насока на зацврстување на американско-индиските врски во сферата на одбраната во момент кога двете земји се обидуваат да се спротивстават на наранатата агресивност на Кина во морето, забележаа британските медиуми.

Договорот беше потпишан вчера во Вашингтон од министрите за одбрана на САД и Индија, Ештен Картер и Манохар Парикар.