„Кронен цајтунг“: Бегалската криза Австрија ја чини 2,2 милиони евра дневно
Бегалската криза Австрија ја чини 91.537 евра по час, или 2,2 милиони евра дневно, покажуваат бројките до кои дојде виенскиот дневен весник „Кронен цајтунг“.
Весникот наведува дека тоа е 802 милиони евра годишно, дополнувајќи дека до точните бројки тешко се доаѓа, а овие ги добиле од службеничка во едно министерство.
Во моментов во Австрија жевеат околу 84.000 бегалци кои добиваат државна помош, а други 35.000 добиваат минимална плата врз основа на позитивно решените молби за добивање азил. Секој од 35.000 азиланти месечно добива 837,76 евра што ја чини државата 29,3 милиони евра месечно, односно 351,9 милиони евра оваа година.
Министерот за финансии Ханс Јерг Шелинг за тековната година предвиде сума од една милијарда евра, пренесува Б92.
Весникот наведува дека не се знае дали оваа сума ќе биде доволна, бидејќи државата мора да се грижи и за здравјето на бегалците и нивната интеграција, а бегалската криза носи и трошоци поради зголемувањето на бројот на полицајци и ангажирање војска за чување на границите.
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава