Србија нема да гради ѕид кон Македонија

Власта во Србија, опозицијата и претставниците на невладиниот сектор едногласно ја отфрлија идејата на Ненад Поповиќ за кревање ѕид на границата со Македонија.
Со изградбата на ѕидот, смета лидерот на Српската народна партија, Србија ќе го спречи неконтролираниот прилив на мигранти од Блискиот исток и од северна Африка. Поповиќ, исто така, предлага рокот за донесување одлука за азил да се скрати на 48 часа.
Министерот Александар Вулин за „Блиц“ изјави дека ваквиот предлог не е нов, но и дека „ѕидот до сега не ги заштити Унгарија и Бугарија, како што тоа не го стори ниту контролата на морето кон Грција и Италија.
- Србија од ЕУ бара да ја формулира својата политика и зависно од неа ќе заземеме став во согласност со своите интереси. Покрај тоа, Србија не е цел на мигрантите и ние засега немаме проблем со бројот на луѓе кои сакаат азил, па со самото тоа ниту со прописите што го регулираат добивањето азил, вели Вулин
Шефот на пратеничката група на СНС во српскиот Парламент, Зоран Бабиќ, за „Блиц“ изјави дека Србија сака Европа без граници и дека политиката на Владата на Србија е „ во изградбата на мостови и спони, а не на ѕидови“.
Шефот на пратеничката група на ДС, Борислав Стефановиќ, смета дека предлогот на СНП е мотивиран „од опасни десничарски идеи“, како и дека проблемот со мигрантите е многу посложен од кревањето ограда.
Директорот на „Група 484“, Владимир Петронијевиќ, исто така, истакнува дека ѕидовите „никогаш нема да ја запрат миграцијата“, а предупредува и дека идејата е спорна од меѓународноправен аспект.
Ново на Сител
-

Ѓорѓиевски: Уреден просторот кај жичарницата на Водно, обновени клупите и летниковците | ФОТО
-

Приведени девет возачи, петмина управувале возило без положен возачки испит
-

Безживотно тело на 38-годишен маж со прострелна рана пронајдено кај Смилковци
-

Мицкоски: Даваме сè од себе да реализираме проект повеќе и да создадеме подобри услови за живот на граѓаните
-

Франција стравува од ескалација на протестите, 70.000 полицајци и жандарми распоредени на улиците
-

54-годишник од Куманово истурил две шишиња бензин во семејниот дом и се заканувал дека ќе ги запали ќерката и внуката
-

Медведев против Зверев во полуфиналето на завршниот АТП турнир
-

Кривична за две лица осомничени за кражба – Полицијата пронашла украден мебел, радијатори и бела техника
