Бенчиќ подобра од фаворитките во Торонто

Швајцарската тенисерка Белинда Бенчиќ (18 години) е победничка на „Роџерс купот“ во Торонто откако нејзината ривалка во финалето Симона Халеп од Романија пре резултат 7:6 (7:5), 6:7 (4:7) и 3:0 во третиот сет поради повреда на левата нога го предаде мечот.

Бенчиќ на патот до титулата стигна откако успеа да ги елиминира четири од најдобрите шест тенисерки на ВТА листата: Серена Вилијамс, Симона Халеп, Каролине Возниацки и Ана Ивановиќ, а беше подобра и од Јуџин Бушар и од Сабине Лисицки.

Ова за Бенчиќ е втора титула во кариерата откако првата ја освои во јуни годинава во Истбурн. Таа има серија од 21 победа во 25 меча и од денеска се наоѓа на 12.то место на ВТА листата со скок од осум позиции.