Џон Стоунс ново засилување за Манчестер Сити
Џон Стоунс е новото име во тимот на англискиот премиерлигаш Манчестер Сити. Со доаѓањето на Пеп Гвардиола на кормилото на „граѓаните“ летово во екипата од „Итихат“ веќе дојдоа седум нови фудбалери (Лерој Сане, Илкај Гундоган, Нолито, Алекс Зинченко, Габриел Жезус, Арон Мој и Марлос Морено). Сепак, Стоунс е најскапо платеното засилување досега.
22-годишниот Стоунс е еден од најбараните и најквалитетните млади дефанзивци на светот, па затоа Манчестер Сити не жалеше пари да го доведе во своите редови. Стоунс за сума од 47 милиони фунти се пресели на „Итихад“ притоа потпишувајќи шестгодишен договор до 2022 година.
- Среќен сум што потпишав за Сити, му се радувам на овој нов чекор во мојата кариера. Знам што се случува на „Итихад“, амбициозен клуб со голем менаџер, со нетрпение чекам да се прилагодам и да помогнам во остварување на целите. Знам дека ќе биде тешко да се влезе во екипата, но јас сум одлучен да станам најдобар играч и да помогнам во остварување на успеси, изјави Стоунс по неговата промоција за нов играч на „граѓаните“.
Во краткото соопштение кое го објави, сега веќе неговиот поранешен клуб, Евертон, пишува дека клубот ќе заработи 12 милиони фунти, додека неговиот прв тим Барнсли меѓу 7 и 9 милиони фунти.
Инаку минатата година Евртон ја одби понудата на Челзи од 40 милиони фунти.
Ново на Сител
-
Сиљановска Давкова: Приоритет за нас остануваат правата на Македонците во Бугарија
-
Сиљановска-Давкова: Безбедноста е на највисоко ниво, нема логичен основ за шпионажа
-
Во израелските напади во Либан за 2,5 месеци загинале 3.111 луѓе
-
Рубио изјави дека на сојузниците им треба „План Б“ доколку Иран ја држи затворена Ормуската Теснина
-
Јанез Јанша избран за премиер на Словенија
-
Путин: Русија ќе одговори на украинскиот напад врз интернатот во Старобелск
-
Муцунски до Петрова: Потребно е решение за билатералното прашање, македонскиот јазик, идентитет, култура и историја не можат да бидат предмет на разговори
-
Конференција: Жените и понатаму се одговорни за најголемиот дел од неплатените обврски за грижа, што го ограничува нивното учество на пазарот на труд
