„Златни денови“ во Кратово

Во Кратово вечер почнува 3. културно-музичка манифестација „Златни денови“. 

Организаторите најавуваат голема посетеност, а на фановите им ветуваат добра и незаборавна забава. 

Како што соопштија, дел од програмата е резервирана за најголемите македонски фолклорни хитови во последните 25 години. Ќе настапат Ефто Пупиноски, Миле Кузмановски, Круме Спасовски, Кате – Нели ти реков, Елена Георгиева, Христијан Димитриевски, а по нив и Етно групата Монистра, ѕвездичките и ѕвездите на Пинк, Дани Димитровска, како и Тајзи и Спејко.

Забавата во ноќните часови ќе продолжи со настапи на неколку ди-џеи. 

На „Златните денови“ во Кратово се очекуваат посетители не само од Македонија, туку и од останатите земји на Балканот.