Белгија минатата година доброволно ја напуштиле над 4.000 мигранти
Над 4.000 мигранти во Белгија минатата година прифатиле доброволно да се вратат во нивните татковини, информира државниот секретар за азил и миграција, Тео Франкен.
Во Белгија во 2015 година пристигнале вкупно 35.476 азиланти. За првите пет месеци од оваа година доброволно назад се вратиле 2.050 лица, од кои половината се Ирачани, јави БТА.
Федералната агенција за азил ги отвори канцелариите низ цела земја, каде на мигрантите им се даваат објаснувања како можат да се вратат назад, во нивните татковини.
Франкен, пред еден месец, информира дека Белгија презема чекори за враќање на азилантите од Авганистан. На Авганистанците им се даваат две можности - доброволно да се вратат во нивната татковина и за тоа да добијат материјална помош, или да бидат протерани од Белгија. Доколку прифатат да бидат вратени, тие се транспортираат до Кабул, Херат или Џелалабад. Таму за нив се обезбедува привремено засолниште, како и можност за професионална обука.
Белгија еднократно им дава по 2.200 евра за да си набават материјали за работа и да почнат мал бизнис.
Во јуни 4.500 Авганистанци во Белгија добиле писмен предлог доброволно да се вратат во нивната татковина. Претходно, белгиските власти преземаа кампања за враќање на ирачките азиланти, како и за разубедување на оние кои уште се во Ирак, но мислат да тргнат на неизвесниот пат за ЕУ.
Пред еден месец Франкен информира дека намерата за распределување на бегалците низ цела Белгија, што доби силен отпор од многу општини, нема да биде спроведена заради тоа што веќе не е актуелна и неопходна. Тој прецизира дека во мај годинава во земјата е регистриран најголемиот пад на новодојдени азиланти од 2008 година до сега, пред се, благодарение на затворањето на западнобалканската мигрантска маршрута.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера