Министерот Лутфиу во официјална посета на Албанија
Министерот за образование и наука Пиштар Лутфиу денеска престојуваше во официјална посета на Република Албанија при што оствари средба со албанската министерка за образование и спорт Линдита Никола.
Како што соопшти МОН, на заедничката средба двајцата министри разговарале за соработката во областа на образованието меѓу двете земји врз основа на потпишаните билатерални договори. Констатирале дека соработката меѓу Република Македонија и Република Албанија, продолжува и во наредниот период, со интензивирање на сите активности кои произлегуваат од овие документи.
- Говоревме за динамиката на спроведувањето на Договорот за соработка потпишан во Валона и Битола меѓу двете земји. Договорот предвидува соработка во различни области, заеднички проекти, универзитетска соработка, размената на студенти, за проширување на соработката во сите домени на образование, како и за научната и технолошката соработка меѓу научно-истражувачките установи, стопанските и другите субјекти на соработка, рече Лутфиу.
Тој исто така додаде дека со министерката Никола се договориле и за формирање заеднички работни групи.
Министерката Никола истакнала дека албанската Влада е подготвена за продлабочување на соработката со Република Македонија во сите нивоа на образование.
Како резултат на потребата од интензивирање на соработката во областа на образованието и науката, во 2015 година во Валона беше потпишан Договор меѓу Владата на Република Македонија и Советот на министрите на Република Албанија. Таа година во Битола, потпишана е Програма меѓу Министерството за образование и наука на Република Македонија и Министерството за образование и спорт на Република Албанија за соработка во областа на науката, технологијата и образованието за периодот од 2015 до 2018 година.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево