Вардар стартуваше со реми против Шкупи во одбраната на титулата

Шампионот Вардар ремизираше 2:2 во дуелот со Шкупи од 1.коло од Првата фудбалска лига. Ова беше последниот натпревар одигран денеска од стартот на новата сезона. Новиот прволигаш поведе со голот на Нухиу во 22.минута. Вардар изедначи преку Блажевски од пенал во 66.минута, а во 87.минута Вардар поведе со 2:1 преку Ивановски. Конечните 2:2 ги постави Флорент Османи во судиското надополнување на вториот дел.