Девет кандидати за четири места во Советот на обвинители

Советот на јавните обвинители на Република Македонија денеска треба да избере четворица членови на Советот од редот на јавните обвинители од подрачјето на  Вишото јавно обвинителство Скопје, Вишото јавно обвинителство Гостивар и Вишото јавно обвинителство Битола, како и од посебната листа на кандидати на јавни обвинители припадници на сите заедници кои не се мнозинство во Република Македонија.

За кандидати за членови на Советот од редот на јавните обвинители од подрачјето на ВЈО Битола се пријавил Петар Аневски-јавен обвинител во ОЈО Битола. Од подрачјето на ВЈО Скопје се пријавиле четири кандидати: Миле Мојсовски-јавен обвинител во ОЈО Скопје, Елизабета Павловска-јавен обвинител во ОЈО Скопје, Фиданка Рајевска-јавен обвинител во ВЈО Скопје и Љубинка Угриновска-јавен обвинител во ОЈО Скопје.

Од подрачјето на ВЈО Гостивар се привиле Виолета Стојаноска-јавен обвинител во ОЈО Кичево и Деса Пауновска- јавен обвинител во ВЈО Гостивар.

За членови на Советот од заедниците кои не се мнозинство во РМ, кандидатури поднселе Имран Османи-јавен обвинител во ОЈО ГОКК и Коле Штерјев-јавен обвинител во ВЈО Скопје, соопшти Советот на јавни обвинители на Република Македонија.