Тачи: Косово ќе ги спроведе сите договори постигнати во Брисел

Косово ќе ги спроведе сите договори што беа постигнати со властите во Белград за време на преговорите во Брисел, изјави синоќа во Виена косовскиот претседател Хашим Тачи.

Според соопштението од наговиот Кабинетот, како пто јави дописникот на МИА, Тачи на средба со неговиот австриски колега Хајнц Фишер разговарал за политичките процеси во Косово и за договорот за европската мисија Еулекс, пти што ветил и дека наското ќе отпочне процесот за подготовката и на статутот за Заедницата на српските општини.

- Косово има само една перспектива, а тоа е евроатланската иднина. Ние постојано ќе работиме со цел што побрзо да станеме членка на ЕУ и НАТО. Многу сме Ви благодарни за подршката што ни ја давате во интегративниот процес, за визната либерализација и се надеваме дека Европската комисија многу набрзо ќе донесе одлука за укинување на визите за Косово, изјавил Тачи на средбата.

Австрискиот претседател,Фишер, како што стои во соопштението, изкажал задоволство од развојот на Косово, посебно што од неговата последна посета на Приштина, политичката ситуација се изменила и е многу помирна.

Тој му честитал на Тачи за потпишаната Спогодба за асоциација и стабилизација меѓу Приштина и ЕУ, како и за „членството на Косово во УЕФА и ФИФА“.

Тачи го уверил австрискиот колега дека ќе продолжи дијалогот со Србија и оти многу набрзо ќе почне да се подготвува статутот на Заедницата на општини со мнозинско српско население.