Кривична пријава за поранешен референт во Катастарот во Куманово

СВР Куманово поднесе кривична пријава против И.А.(53) од кумановското село Режановце, поранешен вработен во Агенцијата за катастар на недвижности, поради постоење основи на сомнение за сторени две продолжени кривични дела „злоупотреба на службена положба и овластување“ и „фалсификување службена исправа“.
Воедно, против Ј.Ј.(63), С.Т.(65) и С.П.(63), сите од село Пелинце-Кумановско, е поднесена пријава поради постоење основи на сомнение за сторени две продолжени кривични дела „употреба на исправа со невистинита содржина“ и „пустошење шума“.
Според МВР, во 2012 и 2013 година, И.А. како референт за геодетски работи во Агенцијата за катастар на недвижности на Р.Македонија-Одделение за кастастар на недвижности Куманово, оформил предмети за наводно исправка на техничка грешка по службена должност за 15 парцели со површина од 168.697 метри квадратни од катастарската општина Пелинце кои биле во сопственост на Македонија, како и една парцела од таа општина со површина од 7.703 метри квадратни со неутврдена права на сопственост. По ова, изготвил потврди за исправка на техничка грешка и по службена должност внел невистинити податоци за сопственост, ги заверил потврдите со свој потпис, ги спровел во електронскиот систем на Агенцијата и за паричен надомест од 1.200 евра ги префрлил во имотните листови каде крајни сопственици се второ, трето и четврто пријавените, како и на лицата Б.П., Д.П., М.П., Р.С., Б.С., В.С .,Д.С. С.С., С.Т., Б.Т., М..А. и Д.Ј.
По ова, второ, трето и четвртопријавените таквите имотни листови во текот на 2013 и 2014 година ги искористиле како вистинити пред лиценцирани лица за вршење стручни работи од областа на шумарството во приватни шуми по што добиле одобрение за сеча на огревно дрво и од пет катастарски парцели исекле 203,8 метри кубни огревно дрво, со што го оштетиле Буџетот на Р. Македонија за износ од 1.426.600 денари.
Ново на Сител
-

Краделе мебел, бела техника и радијатори кај браната Конско - приведени две лица
-

Зеленски повторно бара членство во НАТО, според него тоа е гаранција за безбедност
-

Уапсен возачот кој возеше во спротивен правец на „Партизанска“ | ВИДЕО
-

Ѓорѓиевски: Уреден просторот кај жичарницата на Водно, обновени клупите и летниковците | ФОТО
-

Приведени девет возачи, петмина управувале возило без положен возачки испит
-

Безживотно тело на 38-годишен маж со прострелна рана пронајдено кај Смилковци
-

Мицкоски: Даваме сè од себе да реализираме проект повеќе и да создадеме подобри услови за живот на граѓаните
-

Франција стравува од ескалација на протестите, 70.000 полицајци и жандарми распоредени на улиците
