Саул останува во Атлетико

Фудбалерот на Атлетико Мадрид, Саул Нигес, се согласил да го продолжи договорт со клубот на уште една година, што значи дека на „Винсенте Калдерон“ ќе остане до 2021 година.

 

Саул Нигес има 21 година, ги минал сите младински категории на Атлетико, а оваа сеозна е еден од најдобрите фудбалери во тимот на Диего Симеоне. Одличната сезона која ја има зад себе му донесе и повик во шпанската репрезентација која на ЕУРО 2016 ќе ја брани европската титула.

 

За Саул во изминатиот период интерес покажуваа неколку еврпски клубови, меѓу кои и Манчестер Јунајтед.

 

Саул Нигез за првиот тим на Атлетико дебитирал во март 2012 година против Бешикташ во Лига Европа, потоа сезоната 2013/2014 ја мина на позајмица во Рајо Ваљекано, а по враќањето на „Винсенте Калдерон“ е стандарден првотимец.

 

„Сите во клубот сме среќни што постигнавме договор со Саул, тој е одличен фудбалер“, рекол спортскиот директор на Атлетико, Хосе Луис Каминеро.

 

Атлетико не ги соопшти финансиските детали од договорот.