На бесплатен одмор 33 деца од Крива Паланка и Ранковце
Триесет и три деца од семејства во социјален ризик од Крива Паланка и Ранковце утринава заминаа на бесплатен летен одмор во Струга во рамки на проектот за бесплатно летување кој го реализира Министерството за труд и социјална политика.
Децата се на возраст од петто до деветто одделение, а од денеска до 11 август ќе летуваат во детското одморалиште „Мајски цвет“ во Струга. За дечињата во Струга ќе се грижат тројца волонтери од општинската организација на Црвен крст од Крива Паланка, Снежана Димитриевска, Свете Милановски и Слободанка Младеновска.
- МТСП четврта година им овозможува на дечињата од ранливите категории од двете општини да можат како сите нивни врсници да поминат незаборавни мигови на одмор и рекреација. Ние како волонтери на Црвен крст помагаме за грижата и анимирањето на дечињата во текот на нивниот одмор. Во рамки на проектот децата се рекреираат, одмараат, спортуваат и учат да пливаат, а имаат организирани и културно-забавни активности, изјави Снежана Димитриевска, волонтер во ОО на Црвен Крст, Крива Паланка.
Димитриевска додаде дека со овој проект дечињата од семејствата во сицијален ризик се социјализираат и разменуваат позитивни искуства со дечињата од цела Македонија, нивни врсници, а, како што рече, стекнуваат и нови пријателства, што е уште една многу важна придобивка.
Ова е четврта година од имплементирањето на Проектот за бесплатен летен и зимски одмор за децата од социјално ранливи семејства, приматели на социјална парична помош, деца без родители или самохрани родители и деца со пречки во развојот на МТСП. Досега правото на бесплатно летување со 6 полни пансиони го искористиле околу 6.000 деца, додека на зимување биле околу 3.000.
Популарно од Македонија
Ново на Сител
-
ЈОРСМ: Лани во октомври на Михајлова ѝ се одземени два пасоша и не ѝ беа вратени поради ризик од бегство
-
Лишени од слобода 14 возачи за „безобѕирно управување возило“, 12 возеле без положен возачки испит
-
МНРиНТ за бегството на Михајлова: Постапувањето на бугарските државни институции ги подрива напорите што ги вложуваме за градење доверба
-
Мицкоски: Македонија ќе биде раскрсница на двата паневропски коридора и нејзиното геостратешко значење ќе биде поголемо
-
Роналдо го спореди своето соперништво со Меси на она на Сена и Прост во Формула 1
-
Директор на училиште и еден наставник повредени во пукање на југот на Франција
-
69-годишник од Грција пронајден починат во с.Ново Село, телото предадено на обдукција
-
Продолжуваат протестите во Франција, се очекуваат нови блокади на училиштата
