Гризман: Баерн е добар ама ние дадовме гол на гости

Антоан Гризман дефинитивно е новиот идол на навивачката армија на Атлетико Мадрид, откако неговиот гол во Минхен, му го доднесе Атлетико, второто финале во Лигата на шампионите во последните три сезони. 

 

Гризман, кој во четвртфиналето со два гола ја сруши Барселона, против Баерн погоди во 54.минута кога израмни на 1:1. Баерн подцна постигна уште еден гол кој сепак не беше доволен за Баварците да се пласираат во финалето.

 

„Не се плашиме од никого, без оглед со кого играме и каде играме. Се пласиравме во финалето и сега ќе славиме“, изјавил по мечот Гризман.

 

Баерн имаше дури 28 удари, од кои 12 во рамките на голот, кој брилијантно го бранеше Облак, додека Атлетико шест пати шутираше кон голот на Нојер, четири од тие шест удари одеа во рамките на голот.

 

„Беа подобри, но ние постигнавме гол во гости. Воодушевени сме, беше ова исклучително тежок натпревар. Пред нас стоеше извонреден противник, но ние успеавме да ја оствариме целта“, дополнил стрелецот на голот кој на Атлетико му донесе финале.