Лоран Блан останува во ПСЖ

Лоран Блан останува на клупата на францускиот шампион Париз Сен Жермен потврди сопственикот на клубот Насер Ал Калифи.

Иако по елиминацијата во четвртфиналето на Лигата на шампионите од Манчестер Сити, француските медиуми зачестено пишуваа за можна смена на Блан од тренерската позиција на ПСЖ, и тоа со Португалецот Жозе Мурињо, сепак делемите ги разреши претседателот на клубот.

- Договорот на Лоран истекува по две години и тој сигурно ќе ја води екипата и наредната сезона. Кога се губи, одговорноста не е само негова, туку и колективна. По обезбедената титула цо првенството, за нас е многу важно што го освоивме и трофејот во Лига купот, бидејќи зад нас беа две тешки седмии. Новиот трофеј ќе ни донесе поголема самодоверба, изјави Ал Калифи, по триумфот на ПСЖ над Лил со 2:1 во финалето на Лига купот.

За Блан кој веќе трета сезона е тренер на ПСЖ, како и неговите избраници останува сезоната да ја заокружат со „хет-трик„ бидејќи тие ќе играат и во финалето на националниот куп на Франција против екипата на Олимпик Марсеј.