Илинден достоинствено ќе го одбележат и Македонците во Албанија

Националниот празник на Република Македонија, Денот на двата Илиндена достинствено ќе го одбелажат и Македонците во Албанија.

Единствената македонска општина, со новата територијална поделба, општина Пустец, централната прослава ќе ја одржи утре, на 2 август, во Шулин, кај месноста „Шулинска ледина“, со почеток во 10:30 часот.

Во рамките на одбележувањето на празникот, предвидена е богата музичка програма и илинденски пикник.

- Се покануваат Македонците од Општина Пустец и од другите делови на Албанија достојно да го одбележиме Илинден, најголемиот празник на македонскиот народ, стои во соопштението од партијата на Македонците, МАЕИ.

Честика по повод Илинден до сите Македонци по род каде и да живеат, упати македонскто друштво „Илинден“ со седиште во Тирана.

- Честит и вековит да е најголемиот македонски празник - Илинден. Да го почитуваме и славиме овој голем ден во чест на Илинденско востание од 1903-та, стои во честитката на Илинден.