Даштевски: Сите на избори на 5 јуни, нема да дозволиме украинско сценарио

Сите изговори на опозицијата паднаа во вода, прочистен е избирачкиот список, имаме меѓународен мониторинг, гаранција од големите сили дека ќе бидат фер, слободни и демократски избори. Затоа сите на избори на 5 јуни, тоа е пораката.

Ова вечерва го истакна Александар Даштевски, политички аналитичар, пред масовниот народен собир на ГДОМ.

-Некој сакаше овде да прави украинско сценарио. Тоа значи граѓанска војна, ние не само што нема да го дозволиме тоа туку за тоа нема услови бидејќи сите граѓани се на една страна. Овде сите се дојдени со сопствени возила, автобуси, со возови, нема странски регистрации, нема „Ајмо сада звиждаљке“, нема Грци, нема странци, овде се сите Македонци. За разлика од другата страна каде има странски платеници и домашни платеници. Поради тоа ве поздравувам сите во овој огромен број и повторно повторувам сите на избори на 5 јуни, рече тој.