Волкот и Казорла со нови договори со Арсенал

Премиерлигашот Арсенал потпиша нови договори со своите фудбалери Тео Волкот и Санти Казорла. Всушност двајцата играчи ја продолжија верноста кон „топџиите“. 

- Двајцата се врвни фудбалери, кои се важни за тимот. Задоволен сум што потпишаа нови договори бидејќи така се обезбедува квалитет, истакна менаџерот на Арсенал, Арсен Венгер.

Волкот потпиша договор на уште четири години, а тој во клубот е од 2006 година кога дојде од Саутемптон и е со најдолг стаж од сите играчи од актуелниот состав. Има одиграно повеќе од 300 натпревари и постигнато 76 голови. 

Казорла во Арсенал дојде во 2012 година од шпанската екипа Малага и на 148 натпревари постигна 27 голови.