Октопод избега од аквариум во океан

Октопод со големина на топка за рагби, усепа да се провлече низ тенка цевка во Националниот аквариум во Нов Зеланд „Напијер“ и се врати повторно во океанот на слобода, јавија денес локалните медиуми.

Октоподот машки пол, наречен Инки, е подарен на аквариумот „Напијер“ пред две години откако беше спасен од мрежите за фаќање ракови.

Инки избега на слобода затоа што се провлече низ мала дупка од неговиот аквариум и се лизна преку мокриот под по цевка со пречник од 15 сантиметри низ кој се провлече и заврши во океанот, се наведува во списанието „Ferfeks NJu Ziland“.

- Октоподите се многу интелегенти и многу радознали животни и имаат обичај да истражуваат кога ќе им се даде можност, изјави менаџерот на аквариумот, Роб Џарел.

- Тоа дека имаше мала дупка во неговиот аквариум му беше доволно да избега, а ние на подот забележавме мокри траги кои водат до една од четирите одводни цевки, рече тој.

Октоподите се прекрасни кога станува збор за исчезнување без трага, рече Џарел и додаде дека персоналот на аквариумот ќе внимава на другиот октопод што им останал.